Спорт 26 февраль 2017 17:56

Теләк көчле булу аркасында кагыйдәләр дә бозылды – Зиннәтулла Билалетдинов

"Ак Барс" хоккей командасы баш тренеры Зиннәтулла Билалетдинов бүгенге матчны яхшы уеннар рәтенә кертте.

Скопировать ссылку

(Казан, 26 февраль, "Татар-информ", Фәрит Салихов). Казанның "Ак Барс" хоккей командасы баш тренеры Зиннәтулла Билалетдинов "Салават Юлаев" командасына каршы бүгенге матчка нәтиҗә ясады.

Исегезгә төшерәбез, "Ак Барс" хоккейчылары бүген "Уфа Арена" боз сараенда Гагарин кубогы өчен көрәштә Көнчыгыш конференция 1/4 финал раунды кысаларында җирле "Салават Юлаев" командасына каршы өченче матчта җиңелүгә дучар булды – 3:4.

"Уен яхшы, сугышчан булды, кертелгән матур алкалар да күрдек. Киләсе уенга әзерләнәбез. Кагыйдә бозуларның күп булуымы? Мөгаен, теләк көчле булуга бәйледер", – диде Билалетдинов.

Баш тренер капкачы Эмиль Гариповның уенына карата да үз фикерен белдерде.

"Өч алка керттергәч аны алмаштыру турында уй булмады", – диде ул.

Сериядә исәп "Ак Барс" файдасына – 2:1. Җавап матчы Уфада 28 февральдә уза.

#Ак Барс #Зиннәтулла Билалетдинов

Сәхифәләр

Теләк көчле булу аркасында кагыйдәләр дә бозылды – Зиннәтулла Билалетдинов