Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Теләченең район башлыгы Илдус Зарипов кичләрен футбол уйный
Оешма-предприятиеләр арасында мини-футбол буеча район беренчелеге бара.
(Теләче, 17 гыйнварь, “Татар - информ”, "Теләче", Фәнил Нигъмәтҗанов). Бу көннәрдә “Батыр” спорт комплексында тулы куәткә оешма-предприятиеләр арасында мини-футбол буеча район беренчелеге бара, дип яза район газетасы.
- Ярышлар күңелле һәм мавыктыргыч уза. Бер генә ярыш та җанатарларсыз узмый. Әмма аларның ярышларга күбрәк булып килүен, тагын да активрак җан атуларын телим. Җанатарлар булганда футболчыларга да уйнавы күңелле, рәхәт. Тулаем алганда, район беренчелеге оешка төстә бара. Командалар арасында көндәшлек зур. Бу күренеш үзе үк уеннарны кызыклы итә. Уеннарда муниципаль район башкарма комитеты командасы составында муниципаль район башлыгы Илдус Зариповның да катнашуы чемпионатка зур мәртәбә өсти, - ди ярышларның баш хөкемдары Рөстәм Хәбиров.
Мини-футбол ярышлары дүшәмбе, чәршәмбе һәм җомга көннәрендә 18.00 сәгатьләрдә башлана, диелә район хәбәрендә.
Кызыклы яңалыкларны күзәтеп бару өчен Телеграм-каналга язылыгыз