Икътисад 18 декабрь 2017 22:00

Теләчегә бизнес десант төште

Семинарда катнашучыларга “бизнес –десант проектының сертификатлары тапшырылды.

Скопировать ссылку

(Теләче, 18 декабрь, “Татар - информ”, "Теләче", Фәнил Нигъмәтҗанов). “Хәкимова” шәхси предприятиесенә караган “Маяк” кафесы залында ТР Икътисад министрлыгы белгечләре тарафыннан традицион “Бизнес – десант” проекты үткәрелде. Эшлекле һәм җылы атмосферада узган һәм чәй табыны белән тәмамланган очрашуга Теләче районы эшмәкәрләре дә чакырулы иде. Биредә аларны бизнесны үстерү, административ басымга, төрледән – төрле тикшерүләргә каршы тору серләренә өйрәттеләр, эшмәкәрләргә күрсәтелә торган дәүләт ярдәме һәм башкалар турында сөйләделәр. Бизнес –дәресне ТР Икътисад министрлыгы вәкиле Константин Бахмутов алып барды диелә район хәбәрендә.

Республиканың барлык муниципаль районнарын колачлаган проектның әһәмияте турында кереш сүз белән чыгыш ясаган муниципаль район башкарма комитеты җитәкчесе урынбасары Илдар Миңнегулов билгеләп узганча, Теләче районында эшмәкәрлек шактый нык үсеш алган.

-Хәзер оешма торган предприятиеләр һәм өстәмә эш урыннары районның икътисадый үсеше өчен мөһим фактор. Шуңа күрә без инвестицион климатны яхшырту максатыннан эшмәкәрләр өчен файдалы чаралар оештыруга бик җитди һәм таләпчән карыйбыз. Районда дистәгә якын резидентлы сәнәгать агропромышленность мәйданчыклары, 48 крестьян –фермер хуҗалыгы йөзләп шәхси, ярдәмчел хуҗалык эшләп килүе шуның ачык мисалы. Шунысы сөенечле, районда эшмәкәрлек акрынлап булса да, яшәрә, үз бизнесын башлаучылар үзләрен ышанычлы хис итә, - дип белдерде Илдар Миңнегулов.

-Семинар уку файдалы булды. Бизнеста төшеп калмас өчен гомер буе укырга, өйрәнергә кирәк икән дип таралышты район эшмәкәрләре, диелә район басмасында.

#Теләче

Сәхифәләр

Теләчегә бизнес десант төште