Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Теләчедә яңа мәчет төзеләчәк
Шул уңайдан “Ихлас” мәчетендә киңәшмә узды
(Теләче, 2 февраль “Татар–информ”, "Теләче", Эльмира Әхмәтҗанова). Бүген район үзәгендә тагын бер Аллаһ йорты төзү турында сүз алып барыла. Шул уңайдан район башлыгы Илдус Зарипов, җитәкчеләр һәм мәхәллә активы катнашында киңәшмә узды. Бу турыда район газетасы хәбәр итә.
Районның имам-мөхтәсибе, республиканың Төньяк төбәге казые Исмәгыйль хәзрәт Фәләхиев: “Ниятебез изге. Мәчет уңайлы булырга тиеш. Анда әти-әниләр, әби-бабайлар, сабыйларда килә. Ифтар мәҗелесләре үткәрү өчен дә урын калсын. Мәчет ул безнең киләчәгебез дә, оныкларыбызга да калачак. Имам йортын Аллаһы Тәгалә ризалыгы өчен дип эшлик”, - дип үзенең киңәшләрен бирде.
Киңәшмәдә катнашкан район башлыгы Илдус Зарипов та: ”Мәчет төзү бик изге эш. Бергәләшеп киңәшләшеп, җәмәгатьчелек фикеренә колак салып эшләгәндә, эшебез уңар. Теләчедә яшәү шартлары көннән-көн яхшыра. Яңа Аллаһ йорты матур, зәвыклы булырга тиеш. Без рухый яктан да үсәрбез, чистарырбыз. Хәер, дога белән башланган эш хәерле була”, - диде.
Очрашу барышында булачак мәчет төзелешенә җаваплы кешеләр билгеләнеп, киңәшмә Советы төзелде. Киңәшмә барышында булачак мәчетнең проектын карадылар. Киңәшмәдә катнашучылар үзләренең фикер, тәкъдимнәрен җиткерде.
Кызыклы яңалыкларны күзәтеп бару өчен Телеграм-каналга язылыгыз