news_header_top
16+
news_header_bot
news_top

Теләчедә уку алдынгыларына, җәйге каникулда эшләгәннәргә бүләкләр тапшырылды

Бу уку елында Теләче урта мәктәбенә 1 нче сыйныфка 68 бала керә

 (Казан, 1 сентябрь, “Татар-информ”). 1 сентябрь - Белем көнендә, илебез, республика һәм районыбыз мәктәпләрендә тәүге дәрескә чакырып кыңгырау чыңлады. Теләче урта мәктәбендә дә бәйрәм тантанасы узды. Мәктәп директоры Раил Нәҗипов укучыларны, килгән кунакларны, укытучыларны Белем көне белән тәбрик итеп, уку алдынгыларына истәлекле бүләк тапшырды, дип хәбәр итә tulachi.ru.

Чарада катнашкан район җитәкчеләре дә балаларга укуларында уңышлар теләде. Бу көнне җәйге каникул вакытында хуҗалыкларда эшләгән укучылар да билгеләп үтелде. Аларга оешма җитәкчеләре акчалата бүләк тапшырды. Белем бәйрәме концерт номерлары белән үрелеп барды.

Бу уку елында Теләче урта мәктәбенә 1 нче сыйныфка 68 бала керә. 11 нче сыйныфны 33, ә 9 нчы сыйныфны 36 укучы тәмамлаячак.

news_right_1
news_right_2
news_bot