Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Теләчедә Удмуртия Республикасы делегациясе эшмәкәрлек үсеше белән танышты
Теләче районында Удмуртия Республикасы Хөкүмәте Рәисе урынбасары Александр Свинин җитәкчелегендә 10 кешелек делегация килде.
(Теләче, 19 декабрь, “Татар –информ”, "Теләче" ). Теләче районында Удмуртия Республикасы Хөкүмәте Рәисе урынбасары Александр Свинин җитәкчелегендә 10 кешелек делегация килде. Алар арасында министрлар, кредит оешмалары җитәкчеләре, эшмәкәрләр һәм хөкүмәт кешеләре дә бар иде. Бу турыда район газетасы хәбәр итә.
Кунаклар эшлекле сәфәр вакытында райондагы эшмәкәрлек үсеше, эшмәкәрләрнең эш үрнәге һәм эш юнәлешләре белән таныштылар. Район кунакларын муниципаль район башлыгы Илдус Зарипов, аның урынбасарлары каршы алды, кече һәм урта эшмәкәрлек субъектлары буенча озата йөрде. Чарада Татарстан Республикасы Президенты каршындагы эшмәкәрләрнең хокукларын яклау буенча вәкаләтле вәкил Тимур Нагуманов катнашты.
Бу көнне район кунакларына Теләче сәнәгать мәйданчыгында урын алган резидентларның эшчәнчелеге, аларның эш тәртипләре тәкъдим ителде. Кунакларны аеруча җаваплылыгы чикләнгән “Авангард-строй”, “Богородские розы”, “ЛМР - Пласт” ширкәтләренең эш колачы кызыксындырды.
Соңрак, кунакларыбызны үзенең нәселле атлар үрчетә торган утарында “Гыйниятуллин” крестьян-фермер хуҗалыгы җитәкчесе Сәгыйть Гыйниятуллин каршы алды. Шулай ук кунакларыбызны утар каршында урнашкан спорт объектлары да җәлеп итте, алар район башлыгы Илдус Зариповтан Теләчедәге спорт кластерын тәшкил итәчәк “Батыр” спорт комплексы, Боз сарае һәм йөзү бассейны белән таныштыруларын үтенделәр.
Алга китеп, кунакларыбызга җаваплылыгы чикләнгән “Тюлячинские стальные профили” ширкәтенең җитештерү мәйданчыгы һәм сәүдә үзәге күрсәтелде. Азактан, шәхси эшмәкәр Рифкать Шәфыйков тарафыннан булдырылган “Туган авыл” күңел ачу комплексында кунаклар һәм район эшмәкәрләре белән берлектә “Түгәрәк өстәл” үткәрелде.
Кызыклы яңалыкларны күзәтеп бару өчен Телеграм-каналга язылыгыз