Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Теләчедә Татар дәүләт һәм җыр бию ансамбленең зур концерты үтте
Теләчелеләр ансамбль составында якташлары да булуын аеруча куанып кабул итте.
(Теләче, 3 март, “Татар - информ”, "Теләче", Фәнил Нигъмәтҗанов). Татарстан Республикасы Мәдәният министры тарафыннан 1 март көнне район мәдәният йортында Татар дәүләт һәм җыр бию ансамбленең зур концерты булып үтте. Концерт тамашачылар белән туры залда узды, артистларның чыгышы зур алкышларга күмелде. 80 елдан артык тарихы булган данлы ансамбль составында якташлары Дамир Имамиев белән Диләрә Палотоваларның булуы һәм чыгыш ясавы, теләчелеләр өчен аеруча сөенеч булды диелә район хәбәрендә.
Яшь талантлы җырчы Зөлфирә Шәйдуллинаның чыгышын да теләчелеләр бик яратып кабул итте. Азактан, артистларга рәхмәт сүзләре җиткерергә сәхнәгә күтәрелгән район мәдәният бүлеге җитәкчесе Даут Ихсанов билгеләп узганча, Татар дәүләт җыр-бию ансамбле республиканың, йөзек кашы, милләтебезнең горурлыгы ул. Кая гына бармасыннар, кайда чыгыш ясамасыннар, аларны һәр кайда теләп, яратып кабул итәләр.Теләчелеләр дә артисларыбызның чыгышын аягүрә басып алкышлады. Алар мартның тәүге салкын кичендә күңелләргә яз алып килделәр, диелә район басмасында.
Кызыклы яңалыкларны күзәтеп бару өчен Телеграм-каналга язылыгыз