Теләчедә төбәк тарихчылары җыелды
Чара барышында Олы Нырсы авылыннан Нурания Гыйльметдинова “Йөз ел элек” дип исемләнгән чираттагы китабының язылу тарихын сөйләде.
(Теләче, 6 март, “Татар–информ”, "Теләче", Эльмира Әхмәтҗанова). Теләченең Туган якны өйрәнү музеена төбәк тарихчылары чираттагы очрашуга җыйналды. Бу турыда район басмасы хәбәр итә.
Очрашуны район “Туган якны йөрәнү” музее җитәкчесе Фаягөл Имамиева ТАССРның 100 еллыгы уңаеннан районда тарихка бәйле эшләнгән күргәзмәләр, чаралар хакында таныштыру белән башлап җибәрде. Олы Нырсы авылыннан Нурания Гыйльметдинова “Йөз ел элек” дип исемләнгән чираттагы китабының язылу тарихын сөйләде.
Тарихчыларның очрашу барышында күтәргән кайбер темалары, кызу бәхәс тә чыгарды. Чыннан да төбәк тарихын тирәнтен өйрәнүләре, дәлилләр белән эш итүләре, читтән караганда берникадәр соклану уята.
Шунысы кызыклы, бер авыл тарихы белән икенче авыл арасындагы бәйләнешләр, кызыклы фактлар да ачылды.