Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Теләчедә мәдәният хезмәткәрләре хисап тотты
Югары күрсәткечләргә ирешкән мәдәният хезмәткәрләре бүләкләнде.
(Теләче, 4 март, “Татар–информ”, "Теләче", Фәнил Нигъмәтҗанов). Теләче районы мәдәният йортында район мәдәният хезмәткәрләренең еллык хисап җыелышы булып үтте. Анда мәдәният хезмәткәрләренең еллык эшчәнлеге белән район мәдәният бүлеге җитәкчесе Даут Ихсанов таныштырды. Бу турыда җирле басма хәбәр итә.
Хисап җыелышында муниципаль район башкарма комитеты җитәкчесенең социаль мәсьәләләр буенча урынбасары Азат Нурмөхәммәтов белән Татарстан Мәдәният министрлыгының традцион мәдәниятне үстерү үзәге җитәкче урынбасары Гали Габдрахманов ктанашты һәм чыгыш ясады.
Чарада мәдәният өлкәсен үстерүдәге активлык күрсәткәннәргә, тырыш хезмәтләре өчен, 2018 елгы эш нәтиҗәләре буенча югары күрсәткечләргә ирешкән мәдәният хезмәткәрләренә Теләче муниципаль район башлыгының Рәхмәт хатлары, Татарстан Мәдәният министрлыгының традицион мәдәниятне үстерү үзәге Дипломнары, район мәдәният бүлегенең Рәхмәт хатлары тапшырылды.
Еллык нәтиҗәләр буенча үткәрелгән рейтингта призлы урыннарга Югары Кибәхуҗа авылы мәдәният йорты (директоры Фәнил Миннекәев), Айдар авылы мәдәният йорты (директоры Резидә Фәләхова) һәм Лесной авылы клубы (мөдире Гөлия Вохмина) лаек булды.
Кызыклы яңалыкларны күзәтеп бару өчен Телеграм-каналга язылыгыз