Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Теләче спортчылары Сочи шәһәрендә кул көрәше буенча Россия чемпионатында катнашты
Тиләҗе авылыннан Ришат Зәйнетдинов әлеге уңышлары белән Европа чемпионатында һәм Дөнья чемпионатында катнашу хокукы алды.
(Теләче, 5 февраль “Татар–информ”, "Теләче", Эльмира Әхмәтҗанова). 31 гыйнвар – 4 февраль көннәрендә Сочи шәһәрендә терәк-хәрәкәт аппараты имгәнгән спортсменнар арасында кул көрәше буенча Россия чемпионаты узды. Тренер-укытучы Айрат Кыямов җитәкчелегендә Татарстан Республикасы командасы составында районнан да 3 спортчы әлеге ярышларда катнашты. Бу турыда район газетасы хәбәр итә.
Тиләҗе авылыннан Ришат Зәйнетдинов яшүсмерләр арасында беренче урынга, ир-егетлэр арасында өченче урынга лаек булды. Әлеге уңышлары белән ул май аенда Грециядә узачак Европа чемпионатында һәм сентябрь аенда узачак Дөнья чемпионатында катнашу хокукын алды.
Иске Җөри авылыннан Илфат Имамиев дүртенче урында, Шәткедән Инсаф Габдуллин алтынчы урынны яулады. Әлеге спортчыларга һәм тренер-укытучылары Айрат Кыямовка алдагы ярышларда да зур уңышлар теләп калабыз, дип хәбәр итә район басмасы.
Кызыклы яңалыкларны күзәтеп бару өчен Телеграм-каналга язылыгыз