Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Теләче районында юллар төзеклегенә зур игътибар бирелә
Агымдагы җәйдә Теләче авылында да байтак урамнарга, юлларга ремонт үткәрелде.
(Теләче, 28 июль, "Татар-информ", "Теләче", Фәнил Нигъмәтҗанов). Ленин урамында – район почтасы, элемтә бүлеге, район ветеринария берләшмәсе, "Ак барс” банкның Теләчедәге өстәмә офисы, “Хәкимова” шәхси предприятиесенә караган Сәүдә йорты каршында урнашкан мәйданчыкка да ремонт үткәрелде. Хәзер биредә йөрүе генә түгел, урамга каравы да рәхәт, күңелле, дип хәбәр итә Татарстанның Теләче район газетасы.
Теләчелеләр, районыбыз кунаклары яхшы хәтерлидер, “Сәүдә йорты” каршындагы мәйданчыкта пычрак су беркайчан да бетмәде. Язгы ташу чорын, көзен бертуктаусыз яуган яңгырлардан соңгы халәте турында әйткән дә юк. Әлеге участок кечкенә генә бер күлгә әверелә иде. Ниһаять, соңгы көннәрдә ачык типтагы “Татавтодор” акционерлык җәмгыятенең Арча филиалы Һәм Теләче участогы эшчеләре бу урынны күркәм итте. Инде бордюр белән бүленеп алынып, җир салынган өлешкә чәчәкләр генә утыртасы калды.
Монна тыш, быел Теләче авылының Олы Тау башы, Пионер, Пушкин, Гоголь, Белова урамнарына Теләче урта мәктәбе, “Ихлас” мәчете, Теләче Мәдәният йорты ишегалларына юл төзүчеләре тарафыннан ремонт үткәрелде, дип хәбәр ителә “Теләче” газетасында.
Кызыклы яңалыкларны күзәтеп бару өчен Телеграм-каналга язылыгыз