Теләче районында ел башыннан 60 сабый туган
30 малай һәм 30 кыз дөньяга аваз салган.
Скопировать ссылку
(Теләче, 28 июль, “Татар-информ”, "Теләче", Алинә Шәмәрданова). Теләче гражданлык хәле актларын теркәү бүлегеннән алынган мәгълүматлар буенча, районда ел башыннан барлыгы 60 бала туган, дип яза җирле басма.
Беренче тапкыр 16 хатын-кыз әни булган. Сабыйларның 23е гаиләдә – икенче, 15е – өченче, 6сы дүртенче бала булып дөньяга килгән. Шулай итеп, ел башыннан 30 малай, 30 кыз туган.
Бу чорга 105 кеше якты дөнья белән хушлашкан. 11 гаилә таркалса, 25 пар үз никахларын рәсми рәвештә теркәгән. Август аенда 20 пар гаилә корырга гариза тапшырган, - диелә район хәбәрендә.