Теләче районында Дагыстан Республикасы делегациясе булган
Алар авыл хуҗалыкларындагы эш барышы белән танышкан.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Теләче, 21 июль, "Татар-информ", "Теләче", Фәнил Нигъмәтҗанов ). Шушы көннәрдә Теләче районында Дагыстан Республикасы авыл хуҗалыгы һәм азык-төлек министры урынбасары Магомед Шапиов җитәкчелегендә делегация булып китте. Бу турыда район басмасы хәбәр итә.
Аларны муниципаль район башлыгы Илдус Зарипов һәм Татарстан Республикасы авыл хуҗалыгы һәм азык-төлек министры урынбасары Ришат Хәбипов озатып йөрде.
Делегация Олы Мәтәскә авыл җирлегендә урнашкан шәхси ярдәмче, крестьян фермер хуҗалыкларында, дәүләт программасы нигезендә төзекләндерүче Казаклар авыл клубында, Теләче сөт-май комбинатында, Теләче сәнәгать паркында, "Гиниятуллин" крестьян-фермер хуҗалыгында, "Батыр" спорткомплексында, Боз сараенда, бассейнда, Иске Җөри авылындагы социаль объектларда, Орымширмә авылында урнашкан "Хәсәншин" шәхси предприятиесенә караган терлек сую цехында һәм "Туган авыл" күңел ачу комплексында булды. Шулай ук урыннардагы эш барышы белән танышты.