Хәвеф-хәтәр 24 ноябрь 2017 11:25

Теләче прокуратурасы “Төкәш” җәмгыяте директорыннан хезмәт хакы бурычларын түләттергән

Фирма хезмәткәрләренә август һәм сентябрь айлары өчен 230 мең сум хезмәт хакы түләмәгән булган.

Скопировать ссылку

(Казан, 24 ноябрь, "Татар-информ"). Теләче прокуратурасы “Төкәш” җәмгыятеннән предприятие хезмәткәрләренә 230 мең сум хезмәт хакы бурычларын түләттергән. Бу хакта Татарстан прокуроры өлкән ярдәмчесе Руслан Галиев хәбәр итте.

Ачыкланганча, фирма үз хезмәткәрләренә август һәм сентябрь айлары өчен түләмәгән булган. Шулай ук хезмәткәрләре эштән киткәндә, предприятие исәп-хисап ясамаган һәм отпуск яллары өчен дә түләмәгән.

Нәтиҗәдә, “Төкәш” җәмгыяте директорына “Хезмәт турындагы канунны бозу” маддәсе буенча эш кузгатканнар. Аңа шулай ук хезмәт хаклары бурычларын түләү йөкләнгән. Нәтиҗәдә, предприятиенең барлык хезмәткәрләре үз акчаларын алган.

#хезмәт хакы #прокуратура

Сәхифәләр

Теләче прокуратурасы “Төкәш” җәмгыяте директорыннан хезмәт хакы бурычларын түләттергән