Теләче егете көрәш буенча Дөнья беренчелегендә чемпион булды
Әлеге ярышта Россия җыелма командасы составында “Теләче” спорт мәктәбе тренеры Гыйниятуллин Фирзәр катнашып, 60 кг үлчәү авырлыгында чемпион исеменә л
(Теләче, 26 июнь, “Татар-информ”, "Теләче"). 17-18 яшьлек яшүсмерләр арасында көрәш буенча Дөнья беренчелегендә Теләче егете Эмиль Мәүлин катнашты һәм 12 көндәше арасында чемпион исеменә лаек булды. Бу хакта район басмасы хәбәр итә.
Идел буе Дәуләт физик тәрбия, спорт һәм туризм академиясендә 17-18 яшьлек яшүсмерләр арасында көрәш буенча дөнья беренчелеге булып үтте. Анда 42 илдән 230 спортчы катнашты.
Шул ук көнне Саба районы Мингәр авылында Дөнья чемпионатының финалы узды. Әлеге ярышта Россия җыелма командасы составында “Теләче” спорт мәктәбе тренеры Гыйниятуллин Фирзәр катнашып, 60 кг үлчәү авырлыгында чемпион исеменә лаек булды.
Эмильнең тәүге тренеры - Райнур Шәмсетдинов. Хәзер ул Фирзәр Гыйниятуллин җитәкчелегендә шөгыльләнә.