Мәдәният 10 сентябрь 2025 12:23

«Театраль Идел буе» округ фестиваленең яңа сезоны башланды

Скопировать ссылку

2025 елның 9 сентябрендә Идел буе федераль округы «Театраль Идел буе» балалар һәм яшьләр коллективлары фестиваленең VII сезонында катнашырга теләүчеләрдән гаризалар кабул ителә башлады, ул Россия Федерациясе Президентының Идел буе федераль округындагы тулы вәкаләтле вәкиле Игорь Комаров яклавы астында үткәрелә. Бу хакта «Башинформ» агентлыгы хәбәр итә.

Фестиваль Идел буе федераль округындагы барлык төбәкләрнең театр бергәлеген берләштерә һәм катнашучыларны колачлау ягыннан иң масштаблы чараларның берсе санала. VI сезонның төбәк этабы нәтиҗәләре фестиваль өчен рекордлы булды – анда беренче тапкыр профессиональ булмаган 1,5 мең театр коллективыннан 21,5 мең яшь актер катнашты.

Фестивальдә, гадәттәгечә, Идел буе федераль округы төбәкләреннән балалар (6-17 яшь) һәм яшьләр (18-35 яшь) үзешчән театр коллективлары катнаша ала.

Проект финалына 28 спектакль (округның 14 төбәгеннән яшьләр һәм балалар театр коллективларыннан берәр спектакль) чыгачак. Экспертлар аларның видеоверсияләре рейтингын төзи, шулар нигезендә жюри тарафыннан конкурс җиңүчеләрен һәм лауреатларын билгеләү өчен тавыш бирү үткәрелә. Финалга чыккан барлык спектакльләр театральноеприволжье.рф сайтында («Финалистлар» бүлеге) урнаштырылачак.

Быел традицион номинацияләр («Иң яхшы яшьләр спектакле», «Иң яхшы балалар спектакле», «Иң яхшы режиссер эше», «Иң яхшы музыкаль бизәлеш», «Иң яхшы сәнгать бизәлеше», «Иң яхшы ир-ат роле», «Иң яхшы хатын-кыз роле») сакланып калган.

Фестиваль лауреатларының исемнәре киләсе елның 27 мартында Ижевскида, Бөтендөнья театр көнендә игълан ителер дип көтелә. Фестивальнең ябылу тантанасы, шулай ук финалга чыккан коллективларның спектакльләре телевидение һәм интернет аша трансляцияләнәчәк.

Сәхифәләр

«Театраль Идел буе» округ фестиваленең яңа сезоны башланды