«Театраль Идел буе» фестивале җиңүчеләре билгеле булды
«Иң яхшы актриса» номинациясендә «Парковка» спектаклендәге Фатыйма роле белән Ләйсән Гатауллина җиңде.
(Казан, 1 декабрь, «Татар-информ»). Идел буе федераль округының «Театраль Идел буе» яшьләр фестиваленең округ этабы тәмамланды. Бу хакта Россия Президентының Идел буе федераль округындагы Тулы вәкаләтле вәкиле матбугат хезмәте хәбәр итә.
Идел буе федераль округының иң яхшы мәктәп һәм студентлар театры исеме өчен округның 14 төбәгеннән 28 коллектив көрәште. Проектта барлыгы 7 меңгә якын яшь актер катнашты. Аларның спектакльләрен 100 меңнән артык кеше карады.
«Иң яхшы мәктәп театры» номинациясендә Башкортстан Республикасының «Пауза» театр студиясе җиңү яулады. Алар «Ялкау Емель турында әкият» күрсәтте.
Тамашачылар һәм жюри Чувашия Республикасының «Абрикос бакчасы» вузара студентлар театрына округның иң яхшы студентлар театры исемен бирде. Яшьләр «Минем бабай чия иде» тамашасы белән әти-әниләр һәм балалар проблемалары һәм теләсә кайсы яшьтә дә эчкерсезлекне югалтмаска, дөньяга һәм кешеләргә ачык калырга кирәклеген сөйлиләр.
«Студентлар театрлары арасында иң яхшы режиссер» номинациясендә жюри Чувашия Республикасыннан Дмитрий Миронов Анджела Нетти повесте буенча куелган «Минем бабам чия иде» спектакле белән җиңү яулады.
Мәктәп театрлары арасында иң яхшы режиссер булып Пенза өлкәсеннән Наталья Кучишкина танылды. Джеймс Крюс әсәре буенча куелган «Тим Талер, яки Сатылган көлү» спектакле аңа җиңү китерде.
Галерея: Финал окружного фестиваля «Театральное Приволжье»