Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Театр әһелләренә Марсель Сәлимҗанов исемендәге премия тапшырылачак
Премия махсус приз, диплом һәм 200 мең сум күләмендәге акчалата бүләкне үз эченә ала.
(Казан, 6 ноябрь, «Татар-информ»). 7 ноябрьдә Камал театрында театр сәнгате өлкәсендә Марсель Сәлимҗанов исемендәге Республика премиясен тапшыру тантанасы була, дип хәбәр итә Татарстан Республикасы Мәдәният министрлыгының матбугат хезмәте.
Әлеге премия белән иҗат коллективлары һәм хезмәткәрләр бүләкләнә. Ул махсус приз, диплом һәм 200 мең сум күләмендәге акчалата бүләкне үз эченә ала. Татарстан Республикасы мәдәният министры Айрат Сибагатуллин җитәкчелегендәге бәйге комиссиясе составына Татарстанның танылган мәдәният эшлеклеләре керә.
Бүләк ике елга бер тапкыр өч җиңүчегә тапшырыла. 2015 елда әлеге премиягә Камал театры актеры, Россия һәм Татарстанның халык артисты Ринат Таҗетдинов, Татарстанның атказанган мәдәният хезмәткәре Гомәр Мәрданов һәм Т.Миңнуллин исемендәге Түбән Кама Татар дәүләт драма театры баш режиссеры Рөстәм Галиев лаек булды.
Кызыклы яңалыкларны күзәтеп бару өчен Телеграм-каналга язылыгыз