Фән һәм мәгариф 3 ноябрь 2009 16:51

ТДГПУ белгечләр әзерләүдә тагын бер кат югары сыйфат белән эшләвен раслады

Татар дәүләт гуманитар-педагогика университеты “Һөнәри белем бирү мәгариф учреждениеләрендә белгечләр әзерләүнең сыйфаты системасы” конкурсы лауреаты булды

Скопировать ссылку

(Казан, 3 ноябрь, “Татар-информ”). Мәгариф һәм фән өлкәсендә күзәтчелек буенча Федераль хезмәт “Һөнәри белем бирү мәгариф учреждениеләрендә белгечләр әзерләүнең сыйфаты системасы” конкурсының 2009 ел нәтиҗәләрен игълан итте. Һөнәри белем бирүнең сыйфаты белән идарә итүне координацияләү Советы хуплаганча, әлеге конкурста Татар дәүләт гуманитар-педагогика университеты лауреат дип таныла.

Бәйгенең техник секретариаты, ТДГПУ ректоры, профессор Рәдиф Рифкать улы Җамалетдинов исеменә, белем бирүнең сыйфаты буенча конкурста җиңүләре уңаеннан, котлау юллады. Шулай итеп, ТДГПУ белгечләр әзерләүдә тагын бер кат югары сыйфат белән эшләвен раслады.

5 ноябрьдә исә Мәскәүдә үтәчәк “Һөнәри белем бирүдә сыйфат гарантиясе” Халыкара форумында җиңүчеләрне бүләкләү тантанасы була дип хәбәр итте вузның Массакүләм мәгълүмат чаралары белән эшләү бүлеге.

Сәхифәләр

ТДГПУ белгечләр әзерләүдә тагын бер кат югары сыйфат белән эшләвен раслады