Тавыш бирү көнендә Татарстан Үзәк сайлау комиссиясендә мәгълүмат үзәге эшләячәк
Анда экспертлар, спикерлар һәм тавыш бирүдә катнашучылар чакырылачак.
(Казан, 11 июнь, «Татар-информ», Ксения Перепеченова). 1 июльдә Татарстанда мәгълүмат үзәге эшли башлаячак. Анда экспертлар һәм тавыш бирүдә катнашучылар үз фикерен әйтә алачак. Бу хакта онлайн-конференция барышында Татарстан Үзәк сайлау комиссиясе рәисе Андрей Кондратьев әйтте.
«Быел Россиякүләм тавыш бирү көнендә Үзәк сайлау комиссиясе мәгълүмат үзәге ачачак. Бу яхшы яңалык. Без анда гел элемтәдә булачакбыз, даими рәвештә медиа мәйданчыклары ясаячакбыз, экспертлар, спикерлар һәм инде тавыш бирүдә катнашырга өлгергән кешеләрне чакырачакбыз», — диде Кондратьев.
Тавыш бирү көнендә барлык сайлау участокларында да коронавирус таралуга каршы саклык чаралары күреләчәк. Тавыш бирүчеләрне һәм сайлау комиссиясе әгъзаларын бер тапкыр куллана торган битлек һәм перчаткалар белән тәэмин итәчәкләр.