news_header_top_970_100
news_header_bot_970_100

“Татнефть” Россиянең иң эре хосусый компанияләре рейтингы унлыгына керде

“Forbes” рейтингында Татарстан компаниясе 7 нче урында, ә нефть компанияләре арасында - 3 нче

 (Казан, 25 сентябрь, «Татар-информ», Әнвәр Маликов). “Forbes” журналы Россиянең 200 эре хосусый компанияләр (дәүләт өлеше 50 проценттан ким) рейтингын әзерләде. Рейтингта беренче урынны “Лукойл” компаниясе (2012 ел нәтиҗәләре буенча табыш – 3,6 трлн сум) били, икенче “Сургутнефтегаз” нефть компаниясе (850 млрд сум). Лидерлар өчлеген  "VimpelCom Ltd" телекоммуникация операторы (717 млрд сум) яба.

Рейтиг унлыгында чимал җитештерүче компанияләр өстенлек итә, алар арасында «Татнефть» (444 млрд сум, 7 урын) һәм «Башнефть» (388 млрд сум, 9 урын) бар.
200 эре хосусый компанияләр рейтингында “НижнекамскНефтехим” (33 урын), “ТАИФ-НК” (35), “КАМАЗ” (42), “Казаньоргсинтез” (108) һәм “ТрансТехСервис” (111) бар.

news_right_column_1_240_400
news_right_column_2_240_400
news_bot_970_100