«Татмедиа» журналистлары ветераннарны Җиңү көне белән котлады
Скопировать ссылку
Җиңү көне алдыннан «Татмедиа» акционерлык җәмгыяте хезмәткәрләре озак еллар дәвамында массакүләм мәгълүмат чараларында һәм полиграфия тармагында эшләгән Бөек Ватан сугышы ветеранын һәм тыл хезмәтчәннәрен котлады.
«Без ветераннарыбыз белән чын күңелдән горурланабыз, тынычлык, бәхет, тормыш өчен рәхмәтебез чиксез. Бу бөек бәйрәмдә без аларга сәламәтлек һәм иминлек телибез!» – диде «Татмедиа» акционерлык җәмгыятенең генераль директоры Шамил Садыйков.
Медиатармак ветераннары - Бөек Ватан сугышында катнашучылар һәм тыл хезмәтчәннәре Татарстанда нибары 4 кеше генә калды. Алар – фронтовик Александр Малов һәм өч тыл хезмәтчәне: Валерий Русаков, Сәгъдулла Шәйдуллин һәм Фәния Ишуева.