Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Татмедиа» хезмәткәрләре коронавируска һәм гриппка каршы прививка ясатты
«Татмедиа» республика матбугат һәм массакүләм коммуникацияләр агентлыгы хезмәткәрләре, аның филиаллары журналистлары, шул исәптән «Татар-информ» хезмәткәрләре дә гриппка һәм коронавируска каршы вакцина ясатты. Күпләр «Спутник V» ясатуның интраназаль ысулын сайлады.
Агентлык бинасында журналистлар, редакция хезмәткәрләре һәм аларның гаилә әгъзалары өчен ике атнага бер мәртәбә вакцинациянең мобиль пункты эшли. Бу юлы табиблар хезмәткәрләргә прививканы интраназаль ысул белән ясады, ягъни «Спутник V»ны борын куышлыгына сиптерделәр.
«Татмедиа» офисына Казанның җиденче хастаханәсе табиблары килде. Вакцинация алдыннан бар кешене карадылар һәм терапевт белән әңгәмә уздырдылар. Шуннан соң шәфкать туташы препаратны борынның бер куышлыгына салды. «Спутник V» йоткылыктан авызга агып төшәргә тиеш. Препаратны салганнан соң шәфкать туташы һәр кешедән дә препаратның тәме турында сорады. Агентлык хезмәткәрләре сүзләренчә, «Спутник V» баллы булган.
Искәртеп үтик, узган елның ноябрь ахырына Республика матбугат һәм массакүләм коммуникацияләр агентлыгы хезмәткәрләренең 100 проценты яңа коронавирус инфекциясенә каршы вакцинация узган иде. Күпләрнең ревакцинация вакыты җиткән.
Кызыклы яңалыкларны күзәтеп бару өчен Телеграм-каналга язылыгыз