«Татмедиа» һәм «Луганьмедиа» медиахолдинглары хезмәттәшлек турында килешү имзалады
Бүген Луганскиның Журналистлар йортында «Татмедиа» һәм «Луганьмедиа» медиахолдинглары вәкилләре хезмәттәшлек турында килешү имзалады.
Фото: «Луганск24»
«Коллегаларның мәгълүмат өлкәсендә хезмәттәшлек итәргә теләүләре бик шатлыклы булды. Шулай ук иң мөһиме – хезмәттәшләр үзләренең еллар буе туплаган кыйммәтле тәҗрибәләрен тапшырырга тели», – дип билгеләп үтте Луганск Халык Республикасы Цифрлы үсеш, элемтә һәм массакүләм коммуникацияләр министры урынбасары Александра Веселова.
Якын арада Луганск Халык Республикасы журналистлары өчен ике юнәлеш буенча өйрәтү семинары оештырылачак: сторителлинг һәм социаль челтәрләрдә контент белән эшләү.
«Луганск журналистларын конкурсларда һәм семинарларда катнашырга чакырабыз, чөнки аралашу, бер-береңнең тәҗрибәсен өйрәнү, тәҗрибә уртаклашу – журналистлар өчен төп инструмент», – диде «Татмедиа» АҖ генераль директоры Шамил Садыйков.
Фото: «Луганск24»