Икътисад 29 декабрь 2016 15:52

Татфондбанкта кертемнәре булганнарның яртысыннан күбрәгенә акчаларын кире кайтарганнар

Өч көн эчендә аларга 28,7 млрд сум акча түләнгән.

Скопировать ссылку

(Казань, 29 декабрь,«Татар-информ»). Берничә көн эчендә банкта акчасы булган 72 мең кешегә 28,7 млрд сум акча түләнгән. Бу иминиятләштерелгән кертемнәрнең 53 проценты дигән сүз, дип хәбәр итә Кертемнәрне иминиятләштерү агентлыгының (АСВ) мәгълүмат үзәге.

Исегезгә төшерәбез, 23 декабрь конне, АСВ кертемнәрне кире кайтару өчен кешеләрнең фамилияләрен алфавит буенча бүлеп, банк-агентларга таратты. 26 декабрьдән “Сбербанк, “ВТБ”24, ”Россельхозбанк”, “ФК Открытие”, “Ак барс” кебек банкларда кешеләргә акчаларын кайтара башладылар. Татфондбанкта акчалары "туңдырылган" эшкуарларга да Рөстәм Миннеханов йөкләмәсе буенча ярдәм итү чаралары күрелде.”Ярдәм иң беренче чиратта кече һәм урта предприятиеләр эшчәнлеген җайга салу өчен юнәлдереләчәк”, - диелгән Президентның матбугат үзәгеннән килгән хәбәрдә.

#татфондбанк #тфб

Сәхифәләр

Татфондбанкта кертемнәре булганнарның яртысыннан күбрәгенә акчаларын кире кайтарганнар