Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татфондбанк һәм ИнтехБанк мәсьәләсен хәл итү буенча эшче төркем составы киңәйтеләчәк
Профильле республика эшче төркеме составына Булат Бакиев фондының активистлары кертеләчәк.
(Казан, 24 март, "Татар-информ", Арсений Маврин). Татфондбанк һәм ИнтехБанк лицензияләрен алу белән бәйле мәсьәләне карый торган республика эшче төркеменең киңәйтелүе турында мәгълүм булды. Бу хакта бүген ТР икътисад министры Артем Здунов хәбәр итте.
"Бүген Икътисад министрлыгына Татфондбанк һәм ИнтехБанк клиентлары фондының директоры (Булат Бакиевның Татфондбанк һәм ИнтехБанк клиентларына ярдәм фонды – Т-и) мөрәҗәгать итте. Ул аны һәм фонд активистларын эшче төркемгә кертүне сорый. Әлеге төркем, республикабыз Президенты карарына нигезләнеп, декабрьдә барлыкка килде. Анда хакимият органнары, салым инспекциясе һәм башка оешма вәкилләре керде ", – дип хәбәр итте ТР Икътисад министрлыгы башлыгы.
Аның сүзләренә караганда, эшче төркемгә ярдәм фонды активистларының булышуы бик файдалы булачак. Фонд банкларның лицензиясен тартып алу сәбәпле авыр хәлдә калган кешеләр белән актив эшли. Фондның активистлары ТР Хезмәт, халыкны эш белән тәэмин итү һәм социаль яклау министрлыгы һәм ТР Сәламәтлек саклау министрлыгына мөрәҗәгать белән чыккан. "Катлаулы хәлгә эләккән кешеләрнең күбесе матди һәм бер үк вакытта оештыру мәсьәләләрендә дә ярдәмгә мохтаҗ", – диде Артем Здунов.
Татарстан Президенты Рөстәм Миңнеханов фонд активистларын эшче төркем составына кертүне хуплады. Тиешле йөкләмәгә инде кул куелган.
Кызыклы яңалыкларны күзәтеп бару өчен Телеграм-каналга язылыгыз