Татфондбанк эше буенча «Сувар Девелопмент»ның ике топ-менеджеры тоткарланды
Тикшерүчеләр аларны кулга алу буенча судка үтенеч белән мөрәҗәгать итте.
Скопировать ссылку
(Казан, 18 март, «Татар-информ»). Казанда Татфондбанк эше буенча «Сувар Девелопмент» компаниясе генераль директоры Андрей Мочалов һәм аның урынбасары, финанс директоры Денис Семенов тоткарланды. Бу хакта «Татар-информ» мәгълүмат агентлыгына хокук саклау органы чыганагы җиткерде.
Тикшерүчеләр аларны кулга алу буенча судка үтенеч белән мөрәҗәгать итте. Якын арада Совет районы суды аларга карата чикләү чараларын сайлаячак.