Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тәтештә Идел ярында «Түбәтәй Tower» төзелә
Тәтештә яңа туристик объект – «Түбәтәй Tower» төзелә. Идел ярында биек күзәтү манарасы төзелеше «Туризм һәм кунакчыллык индустриясе» илкүләм проекты кысаларында алып барыла, дип яза «Авангард».
Барлык туристик инфраструктурасы булган «Түбәтәй Tower» Северная урамында, Тәтештән Кама Тамагына таба бару юлда урнашачак.
Район башкарма комитеты җитәкчесе урынбасары Айрат Әхмәтшин сүзләренчә, биредә күзәтү манарасы, туристлар өчен визит-үзәк, биналар һәм корылмалар комплексы урнашачак, кече архитектура формалары, парковка барлыкка киләчәк. Хәрәкәт схемасы, сукмаклар чишелеше инде эшләнелгән.
Шулай ук белгечләр коммуникацияләр – электр белән, су белән тәэмин итү, элемтә, видеокүзәтү челтәрләре үткәрәчәк. Киләчәктә аларны пляж зонасына кадәр төшерү ниятләнә. Территорияне төзекләндерү шәһәрлеләрнең фикерләрен һәм теләкләрен исәпкә алып планлаштырылачак.
Төзүчеләр инде визит-үзәк өчен терәк металлоконструкция урнаштырган, территориядә тротуар салынган.
Район башлыгы Рәмис Сафиуллов уникаль объект Тәтеш районының кешеләрне җәлеп итә торган имиджына ярдәм итәр дип ышана.
Бүген объектта 30 кеше эшли, белгечләр 700 квадрат метрда конструкция урнаштырган инде. Кышкы чорда да эшләр дәвам итәр дип планлаштырыла.
Илкүләм проектлар Россиядә 2019 ел башыннан РФ Президенты Владимир Путин тәкъдиме белән тормышка ашырыла.
Кызыклы яңалыкларны күзәтеп бару өчен Телеграм-каналга язылыгыз