Татарстанның Зәй районында йөк машинасы белән авариядә өч кеше үлгән

Скопировать ссылку

Бүген Чаллы-Әлмәт трассасының 38нче чакрымында Daewoo Nexia автомобиле йөртүчесе каршы як полосага чыгып MAN йөк машинасы белән бәрелешкән.

Татарстан прокуратурасы хәбәр иткәнчә, юл-транспорт һәлакәтендә җиңел машина йөртүчесе һәм ике пассажир һәлак булган.

Фаҗига урынына Зәй шәһәре прокуроры Сергей Урванцев килгән. Юл-транспорт һәлакәтенең сәбәпләре тикшерелә.