Татарстанның Ык елгасында бер күпер су астында калган
Скопировать ссылку
Бүген көндез Татарстанның Ык елгасында суның биеклеге күтәрелү сәбәпле Азнакай районының Тымытык авылы янындагы күпер су астында калган. Күпер өстендә су агымының биеклеге 5 сантиметр тәшкил итә.
Фото: © Россия Гадәттән тыш хәлләр министрлыгының ТР буенча Баш идарәсе матбугат хезмәте
Урынга җирле янгын-коткару гарнизонының оператив төркеме юл тоткан. Авылга әйләнеч юл бар, ул Башкортстан Республикасының Октябрьск шәһәре аша уза, озынлыгы – 74 чакрым.
Халыкны эвакуацияләү таләп ителми. Торак пунктны су басу куркынычы янамый. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.