Татарстанның Хоккей федерациясе Арча районында спорт бәйрәме уздырды
Скопировать ссылку
Бүген, 21 гыйнварда, Татарстанның Хоккей федерациясе Арча муниципаль районы белән «Әтиемне, әниемне һәм хоккейны яратам» фестивален уздырды. Арчаның 5нче гимназиясе шугалагында спорт бәйрәмендә 48 команда катнашты.
Алар яшь аермасына карап, төркемнәргә тупланып, өч өлешкә бүленгән шугалакта хоккей уйнады. Уеннар берничә этапта барды. Төп ярышлардан кала, шугалактан читтә, җанатарлар өчен дә уеннар оештырылган иде. Бу хакта «Арча хәбәрләре» сайтында хәбәр ителә.
Җиңүчеләрне бүләкләгәннән соң, лотерея уйнатылды. Бүләкләр арасында хоккей алкасы, футболка, колонка, смартфон бар иде. Ә төп бүләк – телевизор Арчаның Шәрык бистәсендә яшәүче Марсель Махмүтовка чыкты.