Татарстанның халык артисты Наилә Гәрәевага кабер ташы куелды
Скопировать ссылку
Бүген Казанның Яңа Татар зиратында Россия Федерациясенең атказанган, Татарстан Республикасының халык артисты Наилә Гәрәевага (1940-2023) кабер ташы куелды. Бу хакта Галиәсгар Камал исемендәге Татар дәүләт академия театрының матбугат хезмәте хәбәр итә.
Шулай ук камаллылар татар театрына нигез салучыларның һәм вафат булган хезмәттәшләренең каберләрен тәртипкә китерде, кабер ташларының тирә-ягын чистартты. Чарада театр җитәкчелеге һәм труппасы катнашты.