Татарстанның Түбән Кама районыннан Лисичанскига гуманитар ярдәм китерделәр
Түбән Камадан гуманитар йөк төялгән колонна Лисичанскига килеп җитте. Аны ТР Түбән Кама районы башлыгы Радмир Беляев озатып барды.
Гуманитар йөк составында: 100 данә ОСБ табасы, җиде инвалид коляскасы, 2,5 кубометр балалар памперслары һәм юеш тартмалары, 10 кубометр җылыткыч материал, шулай ук азык-төлек, шәхси гигиена чаралары һәм җылы киемнәр бар.
Гуманитар колоннаны Лисичанскида каршы алган һәм озатып барган ТР Премьер-министры урынбасары Ринат Садыйков әйтүенчә, йөкнең составы Татарстан шефлык иткән бу ЛНР шәһәреннән килгән конкрет сорауларны исәпкә алып төзелгән.
«Без оператив эшләре өчен эшкуарлар бергәлегенә, Түбән Кама предприятиеләренә, районның битараф булмаган халкына һәм аның җитәкчелегенә – Радмир Беляевка аерым рәхмәтебезне белдерәбез», – диде ТР вице-премьеры.
Республика шефлык иткән Лисичанск һәм Рубежный шәһәрләреннән килгән максатчан гаризалар Татарстаннан җибәреләчәк гуманитар колонналарны формалаштырганда киләчәктә дә исәпкә алыначак, дип ассызыклады Садыйков.