Хәвеф-хәтәр 23 октябрь 2023 19:01

Татарстанның Питрәч районында берничә көчекне үтергән ир-ат тоткарланган

Скопировать ссылку

Полиция Татарстанның Питрәч районында берничә көчекне үтергән ир-атны тоткарлаган. Бу хакта Татарстан буенча Эчке эшләр министрлыгы матбугат хезмәте хәбәр итә.

Ведомство белешмәсе буенча, полициягә дүрт көчек үтерелүе турында хәбәр килә. Оператив-эзләү чаралары барышында җинаять кылуда шикләнеп Иске Шигали авылы кешесен тоткарлыйлар. 47 яшьлек ир-ат бу гамәлен этләр кешеләрне тешләү куркынычы өчен борчылганга эшләвен аңлата.

Хәзерге вакытта әлеге факт буенча тикшерү бара. Экспертиза билгеләнгән, аның нәтиҗәләре буенча процессуаль карар кабул ителәчәк.

«Татар-информ»га билгеле булганча, әлеге ир-ат хәмер куллану белән мавыга. Исегезгә төшерәбез, Татарстанның Питрәч районында хайваннарны күпләп үтерү очрагы булды. Иске Шигали авылында кечкенә көчекләр үтерелә, аларның берсен асып куелган хәлдә табалар. Татарстанның Питрәч районы хакимиятендә хәбәр итүләренчә, җинаятьчене хокук саклау органнары тапкан.

Сәхифәләр

Татарстанның Питрәч районында берничә көчекне үтергән ир-ат тоткарланган