Татарстанның Менделеевск районында туган хәрбине Жуков медале белән бүләкләделәр
Татарстан Менделеевск районыннан Вадя кушаматлы хәрби хезмәткәр Россия Президенты Владимир Путин карары белән дәүләт бүләгенә лаек булды. Аңа Жуков медале тапшырылды.
Хәрби тумышы белән Татар Чаллысы авылыннан. Хәзер ул махсус хәрби операциядә катнашуын һәм хәрби бурычларны үтәвен дәвам итә.
Россия Кораллы көчләре хәрби хезмәткәрләрен Жуков медале белән Ватанны һәм Россия Федерациясенең дәүләт мәнфәгатьләрен саклаганда хәрби хәрәкәтләрдә күрсәткән батырлык, фидакарьлек һәм кыюлык өчен бүләклиләр.
«Хәрбине һәм аның гаиләсен котлыйбыз! Горурланабыз!» - дип шәрехләде бүләкләүне Менделеевск районы башлыгы Радмир Беляев.
Вадяның абыйсы, 30 яшьлек Андрей Разживин, быелның февралендә II дәрәҗә «Батырлык өчен» медале белән бүләкләнде, ә аның алгы сызыктагы батырлыгы турында Россия Саклану министрлыгының Телеграм-каналында хәбәр иттеләр.
- «Татар-информ» хәбәр иткәнчә, Менделеевск районы башлыгы Радмир Беляев «Махсус хәрби операциягә ярдәм иткән өчен» медале белән бүләкләнде.
- 2 сентябрьдән Татарстанда Россия Саклану министрлыгы белән контракт төзүчеләргә 2 миллион сумга кадәр акча түләнә. Акча күләме арту республикада түләүләр күтәрелүгә бәйле.
- Россия Кораллы көчләре сафларында контракт буенча хезмәт итү, премияләр, ташламалар һәм түләүләр турында heroes-tatarstan.ru сайтында һәм 117 телефон номерына шалтыратып белергә була. Моннан тыш, контракт (1 разряд) буенча хәрби хезмәткә сайлап алу пунктына мөрәҗәгать итәргә була: Казан, Аэропорт урамы, 1/40 йорт, тел.8(843)221-44-52. Шулай ук 8(800)222-59-00 номеры буенча шалтыратырга мөмкин.