Җәмгыять 27 март 2023 21:25

«Татарстанның мәдәни башкаласы» конкурсында җиңүчегә 3 млн сум биреләчәк

Скопировать ссылку

«Татарстанның мәдәни башкаласы» конкурсында җиңгән район быел 3 млн сумлык сертификат ала. Ул акча мәдәни проектларны алга таба үстерүгә юнәлдереләчәк. Бу хакта бүген Татарстан Премьер-министрының урынбасары Ләйлә Фазлыева «Татар-информ»да матбугат конференциясендә хәбәр итте.

«Конкурста катнаша торган муниципаль районнар 3 млн сумга сертификат алуга дәгъва итә. Бу акча матди-техник базаны үстерүгә, яңа спектакльләр әзерләүгә юнәлдерелә», - диде ул.

Шулай итеп, җиңүче акчаны үз районында федераль яки төбәк мәдәни проектын гамәлгә ашыруга тота ала.

Татарстан мәдәният министры урынбасары Дамир Натфуллин сүзләренчә, быел бер төп приз уйнатыла. Әмма конкурста үзен күрсәткән башка катнашучылар өчен дә зур булмаган махсус бүләкләр каралган.

Республика муниципаль берәмлекләре арасында «Татарстанның мәдәни башкаласы» конкурсы төбәктә игълан ителгән Милли мәдәниятләр һәм гадәтләр елында башлана. 31 марттан 24 ноябрьгә кадәр Казанның 13 төрле мәйданчыгында Татарстан Республикасы муниципаль районнары милли мәдәниятләр һәм традицияләр белән бәйле үз программасын тәкъдим итә.

Сәхифәләр

«Татарстанның мәдәни башкаласы» конкурсында җиңүчегә 3 млн сум биреләчәк