Татарстанның кайбер районнарында көндез яшенле яңгыр явачак
Скопировать ссылку
Бүген көндез Татарстанның кайбер районнарында яшенле яңгыр көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәт хәбәр итә.
Яшен вакытында җилнең тизлеге секундына 15-20 метрга кадәр җитәчәк, башка вакытта – 5-10, урыны белән 13 метрга кадәр тәшкил итәчәк. Көндез һава температурасы +32 градуска кадәр күтәреләчәк.
Элегрәк «Татар-информ» агентлыгы яңа атна башлану белән республикада һава шартларының бозылуы хакында хәбәр иткән иде. Әмма, явым-төшемнәр фаразлануга да карамастан, төбәктә эссе һава торышы сакланачак.