Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның экспортчылары товарларны транспортлау чыгымнарын дәүләт хисабына киметә ала
Үз товарларын чит илләргә сатучы Татарстан эшмәкәрләренә дәүләттән яңа төр ярдәм күрсәтелә. Алар товарларны Россия территориясе буенча транспортлауга тоткан чыгымнарының 80 процентка кадәрен кире кайтара ала. Әлеге проект «Кече һәм урта эшмәкәрлек» һәм «Халыкара кооперация һәм экспорт» илкүләм проектлары кысаларында Экспортка ярдәм итү үзәге тарафыннан тормышка ашырыла.
ТР Икътисад министрлыгы хәбәренчә, Экспортка ярдәм итү үзәге экспортчыларның продукцияне Россия чикләренә кадәр транспортлауга киткән чыгымнарын финанслашырга булыша. Финанслашуның суммасы – бер предприятие өчен 500 мең сумга кадәр тәшкил итә.
«Экспортчылар логистикага күп чыгымнар тота. «Кече һәм урта эшмәкәрлек» һәм «Халыкара кооперация һәм экспорт» илкүләм проектлары безгә эшмәкәрләр тоткан чыгымнарның 80 процентка кадәр өлешен капларга һәм транспорт чыгымнарын киметергә мөмкинлек бирә. Ә бу үз чиратында продуктның ахыргы бәясенә һәм аның көндәшлекне күтәрү сыйфатына да йогынты ясый», – дип белдерде ТР икътисад министры урынбасары Наталья Кондратова.
Министрлык мәгълүматлары буенча, финанс ярдәме транспортлауны оештыру, төяү һәм бушату, бер транспорттан икенчесенә төяү, сортларга аеру, берләштерү, бүлү, маркировкалау, паллетларга урнаштыру, товарларны яңадан каплау һәм төрү кебек эшләрне үз эченә ала.
Дәүләт ярдәме Татарстанның Кече һәм урта эшмәкәрләр реестрына кергән кече һәм урта эшмәкәрлек предприятиеләренә тәкъдим ителә. Төп таләп – продукцияне чит илдәге сатып алучыга транспортлау бурычы куелган экспорт килешүе төзелгән булырга тиеш.
Әлеге хезмәтне алу өчен МСП.РФ порталында гариза бирергә кирәк («Сервислар» битенә күчәргә, «Төбәк ярдәм чаралары» бүлеген табарга, «Татарстан Республикасы» фильтрын сайларга, аннары хезмәтләр исемлегеннән «Продукцияне транспортлауны финанслашу» хезмәтен сайларга).
Экспортчыларга ярдәм күрсәтү мәсьәләләре буенча Экспортка ярдәм итү үзәгенә мөрәҗәгать итәргә була. Тел.: +7 (843) 222-90-60 (өстәмә 272 яки 279) яки +7 987 270-06-91.
Кызыклы яңалыкларны күзәтеп бару өчен Телеграм-каналга язылыгыз