Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанның Даими вәкиллеге Фәйзулла Әминовның туганнарының кайгысын уртаклаша
22 февральдә талантлы рәссам, Рәссамнар берлеге әгъзасы, Санкт-Петербург акварельчеләр җәмгыяте әгъзасы Фәйзулла Әминов вафат булды. Бу хакта Татарстанның Санкт-Петербург шәһәре һәм Ленинград өлкәсендәге Даими вәкиллеге матбугат хезмәт хәбәр итә.
Фәйзулла Әминов 1948 елның 16 мартында Ленинградта туа. 1959-1966 елларда И.Е.Репин исемендәге сынлы сәнгать, скульптура һәм архитектура институты каршындагы Урта сәнгать мәктәбендә укый. 1967-1974 елларда И.Е.Репин исемендәге институтта профессор М.А.Таранов җитәкчелегендә китап графикасы факультетында белем ала.
Фәйзулла Әминов балалар һәм өлкәннәр өчен 40тан артык китапка иллюстрацияләр ясаган. Балет, пейзаж һәм натюрморт аның яраткан темалары иде.
Рәссамның эшләре Дюссельдорф шәһәре пинакотекасында, заманча сәнгать музеенда, шулай ук Германия, Франция, Финляндиядәге (һ.б.) шәхси коллекцияләрдә саклана.
Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге һәм төбәкнең татар җәмәгатьчелеге ихлас күңелдән Фәйзулла Әминовның туганнары һәм якыннарының кайгысын уртаклаша.
Кызыклы яңалыкларны күзәтеп бару өчен Телеграм-каналга язылыгыз