«Блокададагы Ленинградта яшәүче» билгесенә ия булган Роза Сафиуллина 90 яшьлек юбилеен билгеләп үтте. Аны Татарстанның Санкт-Петербург шәһәрендәге һәм Ленинград өлкәсендәге Даими вәкиллеге котлады.
«Без сезнең батырлыгыгыз турында һәрвакыт истә тотабыз! Сезне юбилеегыз белән котлыйбыз һәм күтәренке кәеф, сәламәтлек, иминлек, туганнарыгызның һәм якыннарыгызның кайгыртуын тоеп яшәвегезне телибез», диелгән Вәкиллек хәбәрендә.
Роза Сафиуллина блокададагы балачагы, ул авыр елларда ниләр кичерергә туры килүе, туганнары турында искә төшерә. Ул матур тормыш кичерә, олы яшьтә булуына карамастан, гаҗәеп яхшы энергиягә ия.
«Блокададагы Ленинградта яшәүчеләр - тирән ихтирамга лаек аерым халык. Аларга игелеклелек, әйләнә-тирәдәгеләргә ярдәм итәргә омтылу хас», диелгән хәбәрдә.