Спорт 13 май 2023 22:22

Татарстанның бары тик Чаллы шәһәрендә генә «Яшел марафон» ярышлары була

Скопировать ссылку

20 май көнне Чаллының Яр буе паркында «Саклык банкыннан Яшел марафон – 2023» ярышлары узачак. Анда теләгән һәркем катнаша ала. Әлеге чара Россиянең 60 шәһәрендә уза. Әмма Татарстанның Чаллы шәһәрендә генә була. Быел ул Чаллыда 10нчы тапкыр үткәрелә.

«2021 елда марафонда 1500 кеше катнашты. Быел шәһәрдәшләр өчен 4,2 км һәм 10 км дистанцияләр әзерләнде. Балалар 420 метр йөгерәчәк. 10 км йөгерергә теләүчеләрнең үзләре белән терапевттан белешмәсе булырга тиеш», - ди спорт идарәсе башлыгы Роман Нәсрединов.

Марафонда катнашырга теләүчеләр 14 майга кадәр «Яшел марафон-2023» сайтына кереп теркәлү узарга тиеш. Онлайн рәвештә теркәлергә өлгермәгәннәр шул көнне языла ала.

«Бу спорт чарасы гына түгел, биредә социаль, экологик акцияләр дә уза. Агач утыртачакбыз, сәламәтлек турында лекцияләр үткәрәчәкбез», - ди «Татарстан Банкы» корпоратив клиентлар белән эшләү бүлеге җитәкчесе Ирина Баутина.

Теркәлү иртәнге сәгать 9:00 башлана. 10:45 сәгатьтә балалар, соңыннан 4,2 дистанциясенә, 12:20 сәгатьтә 10 км дистанциягә олылар йөгерә. 14:00 сәгатьтә җиңүчеләрне бүләкләргә җыеналар.

#Чаллы

Сәхифәләр

Татарстанның бары тик Чаллы шәһәрендә генә «Яшел марафон» ярышлары була