Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Арча районында бал кортлары күпләп агуланган
Татарстанның Арча районы Шекә авылында бал кортлары күпләп агуланган. Бу хакта «Татарстан умартачылары» оешмасы җитәкчесе Шәүкәт Хәйруллин «ВКонтакте» социаль челтәрендә хәбәр итте.
«22 июнь иртәсендә Арча районының Шекә авылында Нурулла Закировның умарталыгында бал кортлары күпләп агуланган. Бал кортлары үлә башлаган һәм хәзергә 32 баш умарта да зыян күргән», - дип сөйләде Хәйруллин.
Аның сүзләренчә, ул коткару хезмәтенең 911 номерына шалтыраткан, һәм бер сәгать дәвамында участок полиция хезмәткәре, ветеринария хезмәте, Россия Кулланучы хокукларын яклау һәм кеше иминлеге өлкәсендә күзәтчелек федераль хезмәт, Гадәттән тыш хәлләр министрлыгы, район администрациясе вәкилләре килгән.
2019 елда Татарстанның барлык районнарында диярлек бал кортлары күпләп үлде, ул вакытта 2,5 мең умарта кортлары күче юкка чыкты. Бөҗәкләрнең үлеменә кырны пестицидлар белән эшкәртү сәбәп булган, дип хәбәр ителде.
Кызыклы яңалыкларны күзәтеп бару өчен Телеграм-каналга язылыгыз