Татарстанның Апас районы якташлыгы Рубежноега гуманитар йөк китерде
Скопировать ссылку
Татарстан Республикасы шефлыкка алган Рубежное шәһәренә ТР Кече һәм урта бизнес ассоциациясе, «Апас районы якташлыгы» иҗтимагый оешмасы катнашында җыелган гуманитар йөк китерделәр.
Йөк составына дарулар, балалар ризыгы, подгузниклар, бакалея һәм сезонлы яшелчәләр кергән.
«Шәхсән минем өчен бу мөһим, чөнки яхшы үрнәк тәэсир итә. Дусларым һәм коллегаларымның ничек ярдәм итүен күреп, игелек кылу – башкаларны да илһамландыра торган табигый теләк булуын аңладым», - дип искәртте Апас якташлыгы вәкиле Раушан Гәрәев.