Татарстанның Аксубай районында «Җомга марафоны» узды
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Аксубай районы администрациясенең конференцияләр залында «Җомга марафоны» узды. Проектның максаты – татар телен саклау һәм үстерү.
Чарада Утыз Имәни исемендәге мәчетнең имам-хатыйбы Ирек хәзрәт Җиһаншин катнашты. Ул вәгазь белән чыгыш ясады һәм аның барышында күпсанлы сорауларга җавап бирде. Моннан тыш, район мәчетләренә бару оештырылды.
Район башкарма комитетының социаль мәсьәләләр буенча башлыгы Сергей Александров «Җомга марафоны»н оештыручылар һәм анда катнашучыларга рәхмәт белдерде.
«Бу бик нәтиҗәле һәм кирәкле эш. Үсеп килүче буынны тәрбияләү аеруча зур әһәмияткә ия», - диде ул.
Моннан тыш, чара барышында «Терәк» иҗтимагый-файдалы хәйрия фонды идарәсе рәисе Мансур Хашимов районның татар телен саклау һәм үстерү буенча активистларына бүләкләр тапшырды.
Рәфисә Миңнәхмәтова материаллары буенча