Татарстанның 20дән артык районы язгы кыр эшләренә кереште
Скопировать ссылку
Татарстанның 20дән артык районы язгы кыр эшләренә кереште. Игенчеләр көзге культураларны һәм күпьеллык үләннәрне тукландыралар. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
«Язгы кыр эшләренә беренчеләрдән булып Буа һәм Апас районнары кереште. Бүгенгә республикада 19,3 мең гектар уҗымга һәм 6,4 мең гектарда күпьеллык үләннәргә ашлама кертелгән», - диелә хәбәрдә.
Татарстанда барысы 480 мең гектардан артык мәйданда уҗымнарны, 372 мең гектарда күпьеллык үләннәрне тукландырырга кирәк.