Җәмгыять 2 гыйнвар 2018 13:10

Татарстанның юнармиячеләре Сирия балаларына Яңа ел бүләкләре җыйды

Казан, Оренбург, Уфа шәһәрләре, шулай ук Тула, Псков һәм Мәскәү өлкәләрендә яшәүчеләр Сирия балаларына 10,5 тоннага якын йөк озатты.

Скопировать ссылку

(Казан, 2 гыйнвар, «Татар-информ»). Татарстанның «Юнармия» хәрәкәте әгъзалары Сирия балалары өчен Яңа ел бүләкләре җыю чарасына кушылды, дип хәбәр итә РИА «Новости».

Казан, Оренбург, Уфа, шулай ук Тула, Псков һәм Мәскәү өлкәләрендә яшәүчеләр Сирия балаларына Россия хәрбиләре аша 10,5 тоннага якын өс һәм аяк киемнәре, мәктәп кирәк-яраклары, канцелярия товарлары, йомшак уенчыклар һәм тәм-томнар озатты. Йөкне Сириягә хәрби-транспорт очкычы белән китерделәр.

«Россия балалары – Сирия балаларына» акциясе республикада Бер-беренә дошман якларны килештерү үзәге тарафыннан оештырылды.

#Сирия балалары #юнармия

Сәхифәләр

Татарстанның юнармиячеләре Сирия балаларына Яңа ел бүләкләре җыйды