Татарстанның Яшел Үзән районында тепловозга ут капкан
Һәлакәт бүген Яшел Үзән-Гари тимер юлы участогының дүртенче чакрымында булган.
Скопировать ссылку
(Казан, 25 апрель, “Татар-информ”). Татарстанның Яшел Үзән районында тепловозга ут капкан, дип хәбәр иттеләр “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
Тепловоз януы турындагы хәбәр ашыгыч хезмәтнең 112 бердәм номерына бүген 11 сәгать тирәсендә килгән.
Һәлакәт бүген Яшел Үзән-Гари тимер юлы участогының дүртенче чакрымында булган. Янгын тепловозның 45 кв метрын чорнап алган.
Янгын сүндерү хезмәткәрләре янгынны сүндергәннәр. Зыян күрүчеләр юк.