Сәясәт 17 июль 2020 16:31

Татарстанның «Ярдәм янәшә» проекты Россиядә иң яхшысы дип танылган

Медицина һәм социаль хезмәтләргә ярдәм күрсәтү буенча хәйрия инициативасы Стратегик инициативалар агентлыгы конкурсында җиңүче булды.

Скопировать ссылку

(Казан, 17 июль, «Татар-информ»). Татарстанда тормышка ашырыла торган «Ярдәм янәшә» проекты Бөтенроссия конкурсында беренче урынны алды. Бу хакта «Татар-информ» мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде.

«„Смарт. Эволюция» Бөтенроссия конкурсын Стратегик инициативалар агентлыгы үткәрде. Ул Россиядә кызыклы тәҗрибәне һәм социаль-икътисадый проблемаларны хәл итү чараларын ачыклау максатын куйды. Без «Смарт. Антивирус» номинациясендә Татарстанның табибларны йөртү буенча «Ярдәм янәшә» проектының җиңеп чыгуы турында хәбәр итәргә бик шат. Җиңүче — «Яндекс Такси»», — ди спикер.

Жаворонков сүзләренчә, «Смарт. Антивирус» ул — кешеләр тормышын коронавирус пандемиясе шартларына яраклаштыру һәм аның нәтиҗәләрен бетерү өчен карарлар һәм методикалар тупланмасы.

Министр урынбасары конкурска Россиянең 70 регионыннан барлыгы 542 гариза килүен сөйләде. «Янәшәдә ярдәм» акциясе буенча таксистлар медицина хезмәткәрләрен махсус ташламалы тариф буенча йөрткәннәр.

Сәхифәләр

Татарстанның «Ярдәм янәшә» проекты Россиядә иң яхшысы дип танылган