Авыл 29 гыйнвар 2010 17:34

Татарстанның ветеринария табиблары үзләренең һөнәри осталыгын арттыра

Татарстан агробизнес кадрларын яңадан әзерләү институты базасында ТР агросәнәгать комплексы предприятиеләренең ветеринария табиблары өчен курслар башлана

Скопировать ссылку

(Казан, 29 гыйнвар, “Татар–информ”, Ирина Игнатьева). Татарстанның ветеринария табиблары үзләренең һөнәри осталыгын арттыра. Татарстан агробизнес кадрларын яңадан әзерләү институты базасында ТР агросәнәгать комплексы предприятиеләренең ветеринария табиблары өчен курслар башлана. Бу хакта “Татар–информ” агентлыгына курсларның җитәкчесе, профессор Рафаэль Исхаков хәбәр итте.
Р.Исхаков хәбәр иткәнчә, бу быелгы кышта институтта яңадан әзерлек узачак ветеринария табибларының икенче агымы.
Ветеринария табибларын терлекчелек өлкәсендәге яңа технологияләр, заманча дарулар, терлекләрдәге аеруча куркыныч авыруларны (мөгезле эре терлек лейкозы, дуңгыз гриппы һәм башкалар) кисәтүдә алдынгы алымнар белән таныштырачаклар. Терлекләрне дәвалаучы белгечләр шулай ук малларны ашату һәм ветеринария максатларында лаборатор тикшерүләр үткәрү өлкәләрендә үз белемнәрен арттырачак.

Сәхифәләр

Татарстанның ветеринария табиблары үзләренең һөнәри осталыгын арттыра