news_header_top_970_100
Руc Тат
16+
news_header_bot_970_100
Икътисад 19 апрель 2006 09:55

^Татарстанның уңышлы эшкуарлары мәктәп укучылары өчен ачык дәрес уздырачак

^Татарстанның уңышлы эшкуарлары мәктәп укучылары өчен ачык дәрес уздырачак

Скопировать ссылку

(Казан, 19 апрель, “Татар-информ”, Әнвәр Минһаҗев). Татарстанның 14 артык эшкуары ел саен уза торган гомумроссия “Россия мәктәбендә эшкуарлар көне” акциясендә катнашырга теләк белдергән. Бу турыда “Татар-информ” агентлыгына “ОПОРА России” Гомумроссия кече һәм урта эшкуарлык иҗтимагый оешмасының республика бүлегендә хәбәр иттеләр.

Урта мәктәпләрнең өлкән сыйныфларында (9нчы һәм 11нче сыйныф) эшмәкәрлек дәресләрен “Ваш быт”, “Росгосстрах-Татарстан”, “Сберегательная касса” кредитлы кулланучылар кооперативы, “РАЙДЕН и К”, “МТС” ААҖнең ТР филиалы кебек танылган Татарстан компанияләре җитәкчеләре уздырачак. Хәзерге вакытта Татарстан эшмәкәрләре мөрәҗәгатьләре буенча 21 апрельдә эшмәкәрлек дәресләре узачак мәктәп исемлекләре билгеләнгән.

“Россия мәктәбендә эшкуарлар көне” акциясенең максаты – укучыларга эшлеклелек һәм эшкуарлыкның хәзерге Россиянең икътисадына кирәклелеге, тормыш юлларын сайлаучы яшьләргә “эшкуар” һөнәре турында сөйләү. Дәрескә эчтәлекле өстәмә булып эшкуарлык эшчәнлегендә шәхси тәҗрибә, Россиядә эшкуарлык тарихыннан кызыклы очраклар турында сөйләү, укучылар сорауларына җаваплар да булырга мөмкин. Өстәвенә, Татарстанда әлеге акция кысаларында “ОПОРА России” Гомумроссия кече һәм урта эшкуарлык иҗтимагый оешмасы Төбәк бүлегенең мәктәп китапханәләре фондына эшкуарлык буенча китаплар да тапшырылачак.

autoscroll_news_right_240_400_1
autoscroll_news_right_240_400_2
news_bot_970_100